A aprendizaxe máis bonita é aquela que se vive en primeira persoa. Baixo esta premisa, comezamos nas aulas un emocionante proxecto de investigación cooperativa titulado «Investigamos o noso entorno». O gran obxectivo desta iniciativa é que os nenos e nenas descubran e valoren a riqueza da nosa cultura, a xeografía e a historia que os rodea.
Para facelo posible, as clases organizáronse en equipos de traballo. Cada grupo converteuse nun pequeno equipo de científicos ou xornalistas para investigar un tema específico. Os contidos dividíronse en dous grandes bloques:

• Lugares de interese turístico na nosa cidade: Un percorrido polos monumentos máis queridos e emblemáticos, como A mestra, a Escultura de Julio Verne, o icónico El Sireno, A pescantina ou as históricas Anclas da Guía.
• Personaxes importantes de Galicia: Unha viaxe no tempo para coñecer a vida e o legado de figuras senlleiras como Emilia Pardo Bazán, Begoña Vila, María Pita, Antonio Sanjurjo Badía ou Isidro Parga Pondal.

O papel fundamental das familias

Este proxecto non sería posible sen o apio das familias. Desde o centro queremos agradecer de corazón a implicación de cada familia. Na casa, axudastes aos vosos fillos e fillas a buscar información breve e relevante sobre o tema que teñen asignado, ademais de seleccionar xuntos as fotografías e imaxes impresas necesarias.

Mans á obra na aula

Con todo o material que os pequenos trouxeron de casa, o traballo continuou no colexio de forma moi creativa. Os equipos uniron as súas forzas para decidir o deseño, organizar a información e facer unha composición conxunta sobre unha cartolina. Coas fotografías, debuxos e divertidas decoracións, o resultado foi espectacular.
Como broche de ouro a este proceso de aprendizaxe, cada grupo presentou o seu mural ante o resto da clase, compartindo co seus compañeiros e compañeiras todo o que aprenderon. Grazas por colaborar e facer que a educación sexa un camiño compartido!