No terceiro curso de Educación Primaria fixeron un experimento na área de Ciencias da Natureza co obxectivo de fomentar o pensamento crítico do noso alumnado.

Os nenos e nenas investigaron se é certo que as plantas precisan auga, terra, luz solar e aire para vivir. Para iso, organizáronse en grupos e cada un deles eliminou un destes elementos, co fin de observar que sucedía en cada caso.

Ao longo do proceso, elaboraron un diario de investigación no que recolleron as súas observacións, os cambios apreciados e as súas reflexións. Finalmente, cada grupo formulou as súas propias conclusións para comprobar se, efectivamente, as plantas necesitan todos eses elementos para medrar e desenvolverse.